✍️ लोकवाणी आवाज
📝 ०१ डिसेंबर २०२५
मुंबई, दि. ०१ (रानिआ): नगरपरिषदा व नगरपंचायतींच्या सार्वत्रिक निवडणुकीत निवडणूक निर्णय अधिकाऱ्यांच्या निर्णयाविरुद्ध जिल्हा न्यायालयात अपील झालेल्या प्रकरणांसंदर्भात २३ नोव्हेंबर २०२५ किंवा त्यानंतर निर्णय आलेल्या २४ अध्यक्षपदांच्या आणि विविध ठिकाणच्या १५४ सदस्यपदांच्या जागांवरील निवडणुकांची प्रक्रिया अपील कालावधीनंतरच्या पुढील टप्प्यापासून सुधारित कार्यक्रमानुसार राबविली जाणार आहे. त्यासाठी २० डिसेंबर २०२५ रोजी मतदान होईल.
उर्वरित अन्य सर्व ठिकाणी नियोजित निवडणूक कार्यक्रमानुसार २ डिसेंबर २०२५ रोजी मतदान होईल.
राज्य निवडणूक आयोगाने ४ नोव्हेंबर २०२५ रोजी राज्यातील २४६ नगरपरिषदा आणि ४२ नगरपंचायतींच्या सार्वत्रिक निवडणुकांचा कार्यक्रम जाहीर केला होता. मात्र अपील प्रकरणांचा निकाल २३ नोव्हेंबर २०२५ रोजी किंवा त्यानंतर आल्याने संबंधित ठिकाणी सुधारित कार्यक्रम लागू करण्यात आला आहे. अध्यक्षपदासोबतच सदस्यपदांची एकत्रित निवडणूक घेण्याची तरतूद आहे. ज्या ठिकाणच्या सदस्यपदासाठी अपील होते, तेथे मात्र फक्त त्या जागेपुरताच सुधारित कार्यक्रम लागू राहील.
सुधारित कार्यक्रम:
- नामनिर्देशनपत्र मागे घेण्याची अंतिम मुदत: १० डिसेंबर २०२५, दुपारी ३ वाजेपर्यंत
- उमेदवारांची अंतिम यादी व चिन्हांचे वाटप: ११ डिसेंबर २०२५
- मतदान: २० डिसेंबर २०२५, सकाळी ७.३० ते सायंकाळी ५.३०
- मतमोजणी: २१ डिसेंबर २०२५, सकाळी १० वाजता
जिल्हानिहाय २४ नगरपरिषद व नगरपंचायती:
ठाणे: अंबरनाथ
अहिल्यानगर: कोपरगाव, देवळाली प्रवरा, पाथर्डी, नेवासा
पुणे: बारामती, फुरसुंगी–उरळी देवाची
सोलापूर: अनगर, मंगळवेढा
सातारा: महाबळेश्वर, फलटण
छत्रपती संभाजीनगर: फुलंब्री
नांदेड: मुखेड, धर्माबाद
लातूर: निलंगा, रेणापूर
हिंगोली: बसमत
अमरावती: अंजनगाव सूर्जी
अकोला: बाळापूर
यवतमाळ: यवतमाळ
वाशीम: वाशीम
बुलढाणा: देऊळगावराजा
वर्धा: देवळी
चंद्रपूर: घुग्घूस
७६ नगरपरिषद व नगरपंचायतींमधील १५४ सदस्यपदांचा तपशील:
अमरावती: अचलपूर-२, दर्यापूर-१, धारणी-२, वरूड-१
अहिल्यानगर: जामखेड-२, राहुरी-१, शिर्डी-१, शेवगाव-३, श्रीगोंदा-१, श्रीरामपूर-१, संगमनेर-३
कोल्हापूर: गडहिंग्लज-१
गडचिरोली: आरमोरी-१, गडचिरोली-३
गोंदिया: गोंदिया-३, तिरोडा-१
चंद्रपूर: गडचांदूर-१, बल्लारपूर-१, मूल-१, वरोरा-१
छ. संभाजीनगर: गंगापूर-२, पैठण-४, वैजापूर-२
जळगाव: अंमळनेर-१, पाचोरा-२, भुसावळ-३, यावल-१, वरणगाव-२, सावदा-३
जालना: भोकरदन-२
ठाणे: बदलापूर-६
धाराशिव: उमरगा-३, धाराशिव-३
नांदेड: कुंडलवाडी-१, भोकर-१, लोहा-१
नागपूर: कामठी-३, कोंढाळी-२, नरखेड-३, रामटेक-१
नाशिक: ओझर-२, चांदवड-१, सिन्नर-४
परभणी: जिंतूर-१, पुर्णा-२
पालघर: पालघर-१, वाडा-१
पुणे: तळेगाव-६, दौंड-१, लोणावळा-२, सासवड-१
बीड: अंबेजोगाई-४, किल्ले धारूर-१, परळी-५
बुलढाणा: खामगाव-४, जळगाव जामोद-३, शेगाव-२
भंडारा: भंडारा-२
यवतमाळ: दिग्रस-३, पांढरकवडा-२, वणी-१
रत्नागिरी: रत्नागिरी-२
लातूर: उद्गीर-३
वर्धा: पुलगाव-२, वर्धा-२, हिंगणघाट-३
वाशीम: रिसोड-२
सांगली: शिराळा-१
सातारा: कराड-१, मलकापूर-२
सोलापूर: पंढरपूर-२, बार्शी-१, मैंदर्गी-१, मोहोळ-२, सांगोला-२
हिंगोली: हिंगोली-२
