✍️ लोकवाणी आवाज टिम
📅 २८ मे २०२६
 |
| ग्रामसभेत ग्रामपंचायत आरक्षण प्रक्रियेसंदर्भात अधिकारी आणि गावकरी चर्चा करतानाचे दृश्य |
राज्यातील ग्रामपंचायत निवडणुकांच्या पार्श्वभूमीवर महत्त्वाची माहिती समोर आली आहे. राज्य निवडणूक आयोगाने 14 हजार 314 ग्रामपंचायतींसाठी आरक्षणाचा कार्यक्रम जाहीर केला आहे. त्यामुळे आता जून आणि जुलै महिन्यात आरक्षणाशी संबंधित विविध टप्पे पार पडणार आहेत.
या कार्यक्रमात 2024, 2025 आणि 2026 मध्ये मुदत संपलेल्या ग्रामपंचायतींचा समावेश करण्यात आला आहे. त्यामुळे संबंधित गावांमध्ये आरक्षणाची प्रक्रिया कधी होणार, याचे संपूर्ण वेळापत्रक आता स्पष्ट झाले आहे.
जनगणना 2027 अपडेट: 1 मेपासून मोठा बदल; आता घरबसल्या माहिती भरा, पूर्ण प्रक्रिया डिजिटल
👉 पूर्ण माहिती वाचा
12 जून 2026 रोजी ग्रामसभेत आरक्षणाची सोडत होणार आहे. तहसीलदारांनी नियुक्त केलेल्या अधिकाऱ्यांच्या अध्यक्षतेखाली ही ग्रामसभा पार पडणार असून त्यामध्ये अनुसूचित जाती (SC), अनुसूचित जमाती (ST), इतर मागासवर्गीय (OBC) तसेच महिला प्रवर्गासाठी राखीव जागांची सोडत काढली जाणार आहे.
12 जूनपासून 10 जुलैपर्यंत असा राहणार कार्यक्रम
12 जून रोजी आरक्षणाची सोडत झाल्यानंतर 17 जून 2026 पर्यंत आरक्षणाच्या मसुद्याला जिल्हाधिकाऱ्यांची मंजुरी दिली जाणार आहे. त्यानंतर 19 जून 2026 रोजी आरक्षणाचा मसुदा जाहीर केला जाणार आहे.
मसुदा जाहीर झाल्यानंतर 19 जून ते 25 जून 2026 या कालावधीत हरकती आणि सूचना नोंदवता येणार आहेत. आरक्षणाबाबत काही आक्षेप असल्यास तो या कालावधीत मांडता येणार आहे.
गडचिरोली-चांदाळा मार्गावर रानडुकरामुळे भीषण अपघात; एक ठार, दुसरा गंभीर
👉 संपूर्ण बातमी वाचा
यानंतर आलेल्या हरकतींवर विचार करून 3 जुलै 2026 पर्यंत उपविभागीय अधिकाऱ्यांकडून अहवाल तयार केला जाणार आहे. पुढील टप्प्यात 8 जुलै 2026 रोजी अंतिम आरक्षण यादीला मंजुरी दिली जाईल.
अखेर 10 जुलै 2026 रोजी अंतिम आरक्षण यादी जाहीर केली जाणार आहे. त्यानंतर संबंधित ग्रामपंचायतींमध्ये कोणती जागा कोणत्या प्रवर्गासाठी राखीव राहणार, याचे अंतिम चित्र स्पष्ट होणार आहे.
राज्य निवडणूक आयोगाने जाहीर केलेल्या या वेळापत्रकानुसार आता आरक्षणाची प्रक्रिया टप्प्याटप्प्याने पार पडणार आहे. त्यामुळे संबंधित ग्रामपंचायतींमधील नागरिक, इच्छुक उमेदवार आणि स्थानिक स्तरावरील पदाधिकाऱ्यांचे लक्ष या तारखांकडे लागले आहे.
📁 दस्तावेज फाइल फोल्डर (Buy 1 Get 1 Free)
महत्त्वाचे कागदपत्र, प्रमाणपत्रे, आधार कार्ड, पॅन कार्ड, शैक्षणिक कागदपत्रे आणि इतर आवश्यक दस्तावेज सुरक्षित व व्यवस्थित ठेवण्यासाठी उपयुक्त फाइल फोल्डर.
💰 किंमत: ₹239
🎁 Buy 1 Get 1 Free ऑफर उपलब्ध
👉 येथे खरेदी करा
