✍️ लोकवाणी आवाज टिम
📅 २७ मे २०२६
 |
| गडचिरोली-चांदाळा मार्गावर रानडुक्कर समोर आल्याने भीषण अपघात; एकाचा मृत्यू तर दुसरा गंभीर जखमी |
गडचिरोली-चांदाळा मार्गावर बुधवारी (दि. 27 मे) सायंकाळच्या सुमारास रानडुक्करामुळे भीषण अपघात झाला. दुचाकीसमोर अचानक रानडुक्कर आल्याने झालेल्या या अपघातात एका व्यक्तीचा मृत्यू झाला असून दुसरा गंभीर जखमी झाला आहे.
गडचिरोलीहून चांदाळा येथे दुचाकीने दोघेजण जात होते. यावेळी जंगल परिसरातील रस्त्यावर अचानक रानडुक्कर समोर आल्याने दुचाकीवरील नियंत्रण सुटले आणि अपघात झाला. या अपघातात नागसेन साखरे (वय 40, रा. शिवणी वैरागड, ता. आरमोरी, जि. गडचिरोली) यांचा मृत्यू झाला.
कोटगल डॅमजवळ वैनगंगा नदीपात्रात ५५ ते ६० वर्षीय अनोळखी व्यक्तीचा मृतदेह आढळल्याने परिसरात खळबळ उडाली.
👉 पूर्ण माहिती वाचा
तर राजेश जगन्नाथ रोहनकर (वय 40, फुले वॉर्ड, गडचिरोली) यांच्या डोक्याला गंभीर दुखापत झाली असून त्यांच्यावर उपचार सुरू आहेत. अपघातानंतर दोघांनाही तातडीने रुग्णालयात दाखल करण्यात आले. मात्र, वैद्यकीय अधिकाऱ्यांनी नागसेन साखरे यांना मृत घोषित केले.
जुन्या गाडीवर HSRP नाही? मग ३० जूनपूर्वी लावा — नाहीतर दंड भरायला तयार राहा!
👉 संपूर्ण माहिती वाचा
रात्रीच्या वेळी वाहनचालकांनी सतर्क राहण्याची गरज
गडचिरोली-चांदाळा मार्ग जंगल भागातून जात असल्याने या रस्त्यावर अनेकदा वन्यप्राणी अचानक समोर येतात. विशेषतः सायंकाळ आणि रात्रीच्या वेळी रानडुक्कर रस्त्यावर आल्याने अपघाताच्या घटना घडत आहेत. त्यामुळे वाहनचालकांनी या मार्गावरून प्रवास करताना काळजीपूर्वक वाहन चालविण्याची गरज आहे.
दरम्यान, या घटनेमुळे परिसरात हळहळ व्यक्त होत असून जखमीवर रुग्णालयात उपचार सुरू आहेत.
.
