पोर्ला येथे छत्रपती शिवाजी महाराज महाराजस्व समाधान शिबीर संपन्न

 ✍️ लोकवाणी आवाज टिम 

 📅 ८ मार्च २०२६

पोर्ला येथे छत्रपती शिवाजी महाराज महसूल समाधान शिबीर कार्यक्रमाला मोठ्या संख्येने उपस्थित नागरिक

महाराष्ट्र शासनाच्या ध्येयधोरणानुसार महसूल विभागाच्या सेवा नागरिकांच्या दारी पोहोचवण्यासाठी पोर्ला येथे छत्रपती शिवाजी महाराज महाराजस्व समाधान शिबीर अभियान (टप्पा १) अंतर्गत विशेष शिबिराचे आयोजन करण्यात आले. ७ मार्च २०२६ रोजी शिवाजी कनिष्ठ महाविद्यालय, पोर्ला येथे सकाळी १० वाजेपासून हा कार्यक्रम सुरू झाला.

या कार्यक्रमाला जिल्हाधिकारी अविशांत पांडा उपस्थित राहून नागरिकांना मार्गदर्शन केले. त्यांनी आपल्या भाषणात महसूल विभागाच्या सेवा नागरिकांच्या दारी पोहोचवण्यासाठी शासन विविध उपक्रम राबवत असल्याचे सांगितले. नागरिकांच्या महसूल विषयक तक्रारींचे तात्काळ निवारण करण्यासाठी अशा शिबिरांचे आयोजन करण्यात येत असल्याचेही त्यांनी स्पष्ट केले.

 महाराष्ट्रात तालुका स्तरावर भ्रष्टाचारावर नियंत्रण ठेवण्यासाठी महत्त्वाचा निर्णय घेण्यात आला आहे. याबाबत सविस्तर माहिती वाचण्यासाठी महाराष्ट्रात तालुका भ्रष्टाचार निर्मूलन समितीचे पुनर्गठन – संपूर्ण माहिती येथे वाचा .

यानंतर गडचिरोली विधानसभा क्षेत्राचे आमदार मिलिंद नरोटे यांनीही शिबिरस्थळी उपस्थित राहून नागरिकांशी संवाद साधला. महसूल विभागाच्या विविध योजनांचा लाभ नागरिकांनी घ्यावा असे आवाहन त्यांनी यावेळी केले.

कार्यक्रमादरम्यान मराठी उच्च प्राथमिक शाळा पोर्ला येथील विद्यार्थ्यांनी उत्कृष्ट नृत्य सादर केले.

पोर्ला येथे महसूल समाधान शिबीर कार्यक्रमात विद्यार्थ्यांचे उत्कृष्ट नृत्य सादरीकरण

शिबिरामध्ये प्रलंबित फेरफार प्रकरणे, ७/१२ मधील चुकांची दुरुस्ती, डिजिटल स्वाक्षरीचे ७/१२ आणि ८-अ उतारे, उत्पन्न, रहिवासी व जातीचे प्रमाणपत्र, नॉन-क्रीमीलेअर प्रमाणपत्र तसेच पी.एम. किसान नोंदणी आदी सेवा नागरिकांना उपलब्ध करून देण्यात आल्या.

महसूल विभागाच्या विविध सेवांचा नागरिकांनी घेतला लाभ

याशिवाय अकृषक (NA) तरतुदींबाबत मार्गदर्शन, सामाजिक अर्थसहाय्य योजनांची माहिती, गावातील तसेच परिसरातील नागरिकांना आवश्यक दाखले वाटप तसेच विविध महसूल विषयक प्रकरणांचा निपटारा करण्यात आला. या शिबिरामुळे नागरिकांना अनेक महसूल सेवा एकाच ठिकाणी मिळाल्याने मोठी सोय झाली.

या कार्यक्रमाचे आयोजन तहसील कार्यालय गडचिरोली यांच्या वतीने करण्यात आले होते. नागरिकांनी आवश्यक कागदपत्रांसह अर्ज करून अशा शिबिरांचा लाभ घ्यावा, असे आवाहन प्रशासनाकडून करण्यात आले.

पोर्ला येथे छत्रपती शिवाजी महाराज महसूल समाधान शिबीर कार्यक्रमादरम्यान मंचावर उपस्थित अधिकारी व नागरिकांना दाखले वाटप करताना मान्यवर

पोर्ला येथे महसूल समाधान शिबीर कधी आयोजित करण्यात आले?

पोर्ला येथे छत्रपती शिवाजी महाराज महाराजस्व समाधान शिबीर ७ मार्च २०२६ रोजी आयोजित करण्यात आले.

या शिबिराचा मुख्य उद्देश काय होता?

महसूल विभागाच्या सेवा नागरिकांच्या दारी पोहोचवणे आणि नागरिकांच्या महसूल विषयक तक्रारींचे तात्काळ निवारण करणे हा या शिबिराचा मुख्य उद्देश होता.

या शिबिरामध्ये कोणकोणत्या सेवा देण्यात आल्या?

७/१२ दुरुस्ती, फेरफार प्रकरणे, उत्पन्न व जातीचे प्रमाणपत्र, नॉन-क्रीमीलेअर प्रमाणपत्र, पीएम किसान नोंदणी आदी महसूल सेवा नागरिकांना देण्यात आल्या.

कार्यक्रमात सांस्कृतिक कार्यक्रम झाले का?

होय, कार्यक्रमादरम्यान मराठी उच्च प्राथमिक शाळा पोर्ला येथील विद्यार्थ्यांनी उत्कृष्ट नृत्य सादर केले.