✍️ लोकवाणी आवाज टिम
📅१३ मे २०२६
 |
| प्रतिकात्मक छायाचित्र : मोबाईल चार्जिंगदरम्यान ओव्हरहीट होऊन लागलेल्या आगीत घर जळाल्याची घटना सिरोंचा तालुक्यात घडली. |
सिरोंचा तालुक्यातील कोर्ला गावात मोबाईल चार्जिंगदरम्यान ओव्हरहीट झाल्याने भीषण आग लागून एका कुटुंबाचा संसार काही मिनिटांत राख झाला. ही घटना मंगळवारी सकाळच्या सुमारास घडली. सुदैवाने घरातील सदस्य त्या वेळी तेंदूपत्ता तोडण्यासाठी जंगलात गेले होते, त्यामुळे मोठी दुर्घटना टळली.
गडचिरोली–सिरोंचा मार्ग होणार रुंद; NH-353C साठी 186.376 हेक्टर वनजमीन मंजूर
👉 पूर्ण माहिती वाचा
लक्ष्मी मलाय्या तोगार यांचे कुटुंब सकाळी नेहमीप्रमाणे तेंदूपत्ता तोडण्यासाठी बाहेर गेले होते. घरात मोबाईल चार्जिंगला लावलेला होता. काही वेळानंतर मोबाईल आणि चार्जर ओव्हरहीट झाल्याने अचानक घरातून धूर निघू लागला. बघता बघता आगीने रौद्ररूप धारण करत संपूर्ण घराला कवेत घेतले.
गावातील लोकांच्या लक्षात येईपर्यंत आग मोठ्या प्रमाणात पसरली होती. काहींनी धाव घेत आग विझविण्याचा प्रयत्न केला, मात्र तोपर्यंत घरातील बहुतांश साहित्य जळून गेले होते.
काही मिनिटांत संपूर्ण साहित्य जळून खाक
या आगीत घरातील कपडे, तांदूळ, धान्य, भांडी तसेच रोजच्या वापरातील वस्तू पूर्णपणे जळून खाक झाल्या. अचानक ओढवलेल्या या संकटामुळे तोगार कुटुंब उघड्यावर आले आहे.
Ladki Bahin Yojana : ई-केवायसी पूर्ण केलेल्या महिलांना ४५०० रुपये मिळणार? महिलांमध्ये मोठी चर्चा
👉 संपूर्ण बातमी वाचा
घटनेनंतर परिसरात हळहळ व्यक्त केली जात असून, पीडित कुटुंबाला तातडीने मदत मिळावी अशी मागणी होत आहे.
मोबाईल चार्जिंगला लावताना थोडीशी निष्काळजीपणाही किती मोठे नुकसान करू शकते, हे कोर्ला येथील या घटनेतून पुन्हा समोर आले आहे.
मोबाईल चार्जिंगदरम्यान होणाऱ्या ओव्हरहीटिंगपासून बचावासाठी चांगल्या दर्जाचा चार्जर वापरणे महत्त्वाचे ठरते.
👉 येथे क्लिक करून पहा
