✍️ लोकवाणी आवाज टिम
📅 17 जून 2026
 |
| ई-पीक पाहणी सहाय्यक शेतकऱ्याला डिजिटल क्रॉप सर्व्हे (MH DCS) अंतर्गत शेतातील पिकांची माहिती दाखवत असतानाचे दृश्य |
ई-पीक पाहणी करा,नोंदणी करा, मुदत संपत आली आहे. असे संदेश आले की अनेक शेतकऱ्यांची धावपळ सुरू व्हायची. कुणाकडे अँड्रॉइड मोबाईल नाही, कुठे नेटवर्क मिळत नाही, तर कुणाला ॲप कसे चालवायचे हेच समजत नव्हते. त्यामुळे शेवटच्या दिवशी तलाठी कार्यालय, सीएससी सेंटर किंवा ओळखीच्या मोबाईलधारकांकडे फेऱ्या माराव्या लागत होत्या. आता मात्र या सगळ्या त्रासातून शेतकऱ्यांची सुटका होण्याची चिन्हे दिसत आहेत.
राज्य शासनाने ई-पीक पाहणीबाबत महत्त्वाचा निर्णय घेतला असून खरीप हंगाम 2026 पासून MH DCS (डिजिटल क्रॉप सर्व्हे) प्रणालीद्वारे राज्यातील 100 टक्के पीक नोंदणी करण्याची तयारी सुरू केली आहे. यासाठी 15 जुलै 2026 पासून विशेष मोहीम राबविण्यात येणार असून गावागावात ई-पीक पाहणी सहाय्यक नेमले जाणार आहेत.
अखेर पावसाची प्रतीक्षा संपली! केरळमध्ये मॉन्सूनची दमदार एंट्री; महाराष्ट्राकडेही वाटचाल सुरू
👉 पूर्ण माहिती वाचा
आतापर्यंत अनेक शेतकऱ्यांना स्वतः मोबाईलवर पीक नोंदणी करावी लागत होती. मात्र नेटवर्क नसल्याने, मोबाईलमध्ये तांत्रिक अडचणी आल्याने किंवा माहिती नसल्याने अनेकांची नोंदणी राहून जात होती. काही ठिकाणी चुकीच्या नोंदी झाल्याच्याही तक्रारी होत्या. परिणामी सरकारी नोंदी आणि प्रत्यक्ष शेतातील परिस्थिती यामध्ये फरक निर्माण होत होता.
आता गावातच होणार पीक नोंदणी, शेतकऱ्यांची धावपळ कमी होणार
नवीन व्यवस्थेनुसार प्रत्येक गावासाठी ई-पीक पाहणी सहाय्यकाची नियुक्ती केली जाणार आहे. हे सहाय्यक थेट शेतात जाऊन पिकांची माहिती नोंदवतील. त्यामुळे शेतकऱ्यांना वारंवार मोबाईल हातात घेऊन ॲपमध्ये माहिती भरत बसावे लागणार नाही. गावपातळीवरच मदत उपलब्ध होणार असल्याने अनेक ज्येष्ठ आणि अल्पशिक्षित शेतकऱ्यांनाही मोठा दिलासा मिळणार आहे.
शासनाच्या परिपत्रकानुसार या मोहिमेत महिला बचत गटातील इच्छुक सदस्यांनाही संधी दिली जाऊ शकते. त्यामुळे पीक नोंदणीचे काम वेगाने होण्याबरोबरच ग्रामीण भागात काहींना रोजगाराची संधीही मिळणार आहे. जिल्हाधिकारी, तहसीलदार, महसूल आणि कृषी विभाग यांच्यावर या मोहिमेची जबाबदारी सोपविण्यात आली आहे.
लग्नाचे आश्वासन देत तरुणीचे शोषण केल्याचा आरोप; आष्टीतील डॉक्टर अटकेत
👉 संपूर्ण बातमी वाचा
यंदाच्या व्यवस्थेत आणखी एक महत्त्वाचा बदल करण्यात आला आहे. नेटवर्क नसलेल्या भागातही माहिती गोळा करता यावी यासाठी ऑफलाइन नोंदणीची सुविधा उपलब्ध करण्यात आली आहे. नंतर नेटवर्क मिळाल्यावर माहिती अपलोड करता येणार आहे. त्यामुळे डोंगराळ आणि दुर्गम भागातील शेतकऱ्यांनाही याचा फायदा होणार आहे.
ई-पीक पाहणी आता AgriStack प्रणालीशी जोडली जात असल्याने नोंद झाल्यानंतर संबंधित माहिती शेतकऱ्यांना संदेशाद्वारे मिळणार आहे. यामुळे नोंदी अधिक पारदर्शक आणि अचूक ठेवण्यास मदत होणार असल्याचे सांगितले जात आहे.
एकंदरीत, ई-पीक पाहणीच्या नावाखाली दरवर्षी होणारी धावपळ, नेटवर्कचा त्रास आणि नोंदणीची चिंता यावर आता काही प्रमाणात उपाय मिळण्याची आशा निर्माण झाली आहे. खरीप 2026 मध्ये ही नवी व्यवस्था प्रत्यक्षात किती प्रभावी ठरते, याकडे राज्यातील लाखो शेतकऱ्यांचे लक्ष लागले आहे.
 |
🔥 वॉटरप्रूफ मोबाइल पाउच ऑफर 🔥
सर्व मोबाइलसाठी योग्य — पाण्यात, पावसात आणि प्रवासात सुरक्षित वापरासाठी.
💰 76% सूट — फक्त ₹142 मध्ये!
👉 ऑफर पाहा आणि खरेदी कराBHIM / Paytm द्वारे ₹50 सूट | क्रेडिट कार्डवर ₹8 सूट
