✍️ लोकवाणी आवाज टिम
📅 २३ एप्रिल २०२६
 |
| पोर्ला अंगणवाडी केंद्र 517 मध्ये पोषण पखवाडा कार्यक्रमादरम्यान गरोदर माता, स्तनदा माता आणि लहान मुलांचा सहभाग |
पंकज येवले जिल्हा प्रतिनिधी:- पोर्ला येथे अंगणवाडी केंद्र क्रमांक 517 मध्ये 9 एप्रिल ते 23 एप्रिल 2026 या कालावधीत पोषण पखवाडा उत्साहात साजरा केला जात आहे. गावातील महिलांमध्ये आणि मुलींमध्ये आरोग्य व आहाराबाबत जागरूकता निर्माण करण्यासाठी हा उपक्रम राबविण्यात येत असून चांगला प्रतिसाद मिळत आहे.
या उपक्रमात गरोदर माता, स्तनदा माता, किशोरी मुली तसेच इतर महिलांचा सक्रिय सहभाग दिसून येत आहे. संतुलित आहार, लसीकरण, स्वच्छता आणि बाल संगोपनाबाबत सोप्या आणि समजेल अशा पद्धतीने माहिती देण्यात येत आहे.
पोरला अंगणवाडीत आरोग्य सेवा; गरोदर माता व लहान मुलांची तपासणी
👉 संपूर्ण बातमी वाचा
अंगणवाडी सेविका छाया पुंडलिक निकुरे आणि मदतनीस स्वाती उंदीरवाडे या दोघींच्या प्रयत्नातून हा उपक्रम प्रभावीपणे राबवला जात असून महिलांना उपयोगी पडणारे मार्गदर्शन दिले जात आहे.
पोषण पखवाडा म्हणजे काय आणि का साजरा केला जातो?
पोषण पखवाडा हा देशभर राबवला जाणारा आरोग्यविषयक उपक्रम आहे. महिलांमध्ये आणि लहान मुलांमध्ये कुपोषण कमी करणे, तसेच योग्य आहाराबाबत जागरूकता वाढवणे हा यामागचा मुख्य उद्देश आहे.
महाराष्ट्रातील शाळांमध्ये मराठी सक्ती; नियम मोडणाऱ्यांवर कठोर कारवाईचा इशारा
👉 पूर्ण माहिती वाचा
या उपक्रमात गरोदर व स्तनदा मातांसाठी योग्य आहाराचे महत्त्व, बालकांच्या वाढीसाठी आवश्यक पोषण, तसेच स्थानिक अन्नधान्याचा वापर करून पौष्टिक आहार कसा तयार करावा याबाबत मार्गदर्शन केले जाते.
पोर्ला येथे सुरू असलेल्या या उपक्रमामुळे महिलांमध्ये आरोग्याविषयी जागरूकता वाढत असून भविष्यात कुपोषण कमी करण्यासाठी अशा उपक्रमांची मोठी मदत होणार आहे.
