✍️ लोकवाणी आवाज टिम
📅 ७ एप्रिल २०२६
 |
| Skymet चा 2026 मान्सून अंदाज: यंदा पावसात तूट शक्य, ऑगस्ट-सप्टेंबरमध्ये कमी पावसाचा धोका |
देशभरातील शेतकरी आणि नागरिक ज्याची आतुरतेने वाट पाहत होते तो 2026 चा मान्सून अंदाज अखेर जाहीर झाला आहे. स्कायमेट या खाजगी हवामान अंदाज कंपनीने यंदाच्या पावसाबाबत महत्त्वाचा अंदाज व्यक्त केला असून, यंदा पाऊस सामान्यपेक्षा थोडा कमी राहण्याची शक्यता व्यक्त केली आहे.
स्कायमेटच्या अंदाजानुसार यंदाचा मान्सून दीर्घकालीन सरासरीच्या (LPA) 94% इतका राहू शकतो. साध्या भाषेत सांगायचे झाले तर, पावसात थोडी तूट जाणवू शकते. विशेष म्हणजे एल निनोचा प्रभाव यंदा वाढण्याची शक्यता असून, त्याचा सर्वाधिक परिणाम पावसाळ्याच्या शेवटच्या टप्प्यात म्हणजे ऑगस्ट आणि सप्टेंबरमध्ये दिसू शकतो.
महाराष्ट्रात पुन्हा अवकाळीचा धोका! 17 ते 20 मार्च दरम्यान गारपीट आणि वादळी पावसाचा इशारा, शेतकऱ्यांनी तात्काळ घ्या काळजी
👉 संपूर्ण बातमी वाचा
जून ते सप्टेंबर या चार महिन्यांत एकूण 817 मिमी पाऊस पडण्याचा अंदाज आहे, जो सरासरी 868.6 मिमीपेक्षा कमी आहे. मध्य भारत आणि वायव्य भारतातील काही भागांमध्ये दुष्काळासारखी परिस्थिती निर्माण होण्याची शक्यता देखील व्यक्त करण्यात आली आहे.
महिन्यानुसार मान्सूनचा अंदाज कसा असेल?
जून महिन्यात सुरुवात चांगली होण्याची शक्यता आहे. या महिन्यात पाऊस LPA च्या 101% राहू शकतो. म्हणजेच सुरुवातीला शेतकऱ्यांना दिलासा मिळू शकतो. पण जुलैपासून परिस्थिती थोडी बदलू शकते.
जुलै महिन्यात पाऊस 95% पर्यंत मर्यादित राहण्याचा अंदाज आहे. ऑगस्टमध्ये हा आणखी कमी होऊन 92% पर्यंत येऊ शकतो. तर सप्टेंबरमध्ये तर पावसात मोठी घट होऊन तो फक्त 89% राहण्याची शक्यता आहे. त्यामुळे पावसाळ्याच्या उत्तरार्धात तुटवडा जाणवू शकतो.
संपूर्ण हंगामाचा विचार केला तर सामान्यपेक्षा कमी पावसाची शक्यता सर्वाधिक म्हणजे 40% आहे. तर दुष्काळासारखी परिस्थिती निर्माण होण्याची शक्यता देखील 30% इतकी आहे, ही बाब निश्चितच चिंतेची आहे.
महाराष्ट्र जमीन महसूल संहितेत मोठा बदल! गायरान जमिनी सार्वजनिक प्रकल्पांसाठी वापरण्याचा निर्णय
👉 पूर्ण माहिती वाचा
यामुळे शेतकऱ्यांनी पेरणी, पिकांची निवड आणि पाण्याचे नियोजन करताना काळजी घेणे गरजेचे आहे. सुरुवातीला पाऊस चांगला पडेल, पण नंतर कमी होण्याची शक्यता असल्याने पाण्याचे योग्य व्यवस्थापन करणे अत्यंत महत्त्वाचे ठरणार आहे.
एकंदरीत पाहता, यंदाचा मान्सून पूर्णपणे निराशाजनक नसला तरी शेवटच्या टप्प्यात सावध राहण्याची गरज आहे. त्यामुळे शेतकरी आणि प्रशासनाने आतापासूनच तयारीला लागणे आवश्यक आहे.
